Հնդկաստանի հյուսիսում առնվազն 145 մարդ է զոհվել անձրևների առաջացրած հեղեղումների և սողանքների հետևանքով: Այս մասին հաղորդում է India Today պարբերականը։
Ավելի վաղ հաղորդվել էր 100-ից ավելի զոհի մասին։
Զոհերից 91-ը գրանցվել են Հիմաչալ Պրադեշի նահանգում։
Ամբողջությամբ ավերվել է ավելի քան 600 շենք, շուրջ 1000 շենք վնասվել է։ Վնասը գնահատվում է հարյուր միլիոնավոր դոլարներով։
256 զբոսաշրջիկներ ստիպված են եղել 5 օր սպասել տարհանման` ճանապարհների հեղեղման պատճառով։ Ճանապարհները բացվելուց հետո՝ հուլիսի 13-ին, նրանց հնարավոր է եղել տարհանել։
Հորդառատ անձրևները հանգեցրել են այն բանին, որ Դելիով հոսող Յամունա գետի ջրի մակարդակը հասել է ռեկորդային նշագծի: Դա լուրջ վնաս չի պատճառել քաղաքին, սակայն ափամերձ տարածքներն ու ճանապարհները մասամբ հեղեղվել են։ Իշխանությունները տարհանել են մոտ 24 հազար մարդու: Գետի ջրի մակարդակը հուլիսի 14-ին սկսել է նվազել։
Օդերևութաբանները Ուտարակհանդի և Հիմաչալ Պրադեշի նահանգներում անձրևի վտանգի դեղին մակարդակ են հայտարարել։
#WATCH | Flood situation in Delhi: Heavy rainfall & increase in Yamuna river's water level triggers waterlogging in parts of Delhi; Drone visuals from Red Fort area. pic.twitter.com/qUWgPtr6M5
— ANI (@ANI) July 14, 2023
