ՆԱՏՕ-ի գագաթնաժողովից առաջ Ֆրանսիայի նախագահ Էմանուել Մակրոնին փոստով մարդու կտրված մատ են ուղարկել։ Տեղեկությունը տարածում են ֆրանսիական լրատվամիջոցները։
Ֆրանսիական լրատվամիջոցների փոխանցմամբ՝ հուլիսի 10-ին Ելիսեյան պալատը նամակ է ստացել, որում հայտնաբերվել է կտրված մատը։ Դեպքի առթիվ հետաքննություն է սկսվել։ Ոստիկանությունը պարզում է, թե ում է պատկանում կտրված մատը։ Ֆրանսիական լրատվամիջոցը գրում է, որ իրավասու ծառայությունները հոգ կտանեն, որ անձը ենթարկվի պատշաճ բժշկական դիտարկման։
Ելիսեյան պալատը պաշտոնական հայտարարություն չի տարածել։
Գագաթնաժողովի մեկնարկից առաջ Ֆրանսիայի նախագահ Էմանուել Մակրոնը հայտարարություն է արել Ֆրանսիայից ռազմական օգնության մեծացման շրջանակներում Ուկրաինա հեռահար հրթիռների փոխանցման մասին։ Ֆրանսիական լրատվամիջոցը գրում է, որ խոսքը «Scalp» տիպի հրթիռների մասին է։
