ՆԱՏՕ-ին անդամակցելու համար Ուկրաինան պետք է կատարի որոշակի պահանջներ, «Ամերիկայի ձայն»-ին տված հարցազրույցում ասել է Սպիտակ տան ազգային անվտանգության խորհրդի ռազմավարական հաղորդակցության համակարգող Ջոն Քիրբին։
ԱՄՆ նախագահի վարչակազմի ներկայացուցչի խոսքով՝ Վիլնյուսում ՆԱՏՕ-ի գագաթնաժողովում կքննարկվի անվտանգության ոլորտում Ուկրաինայի երկարաժամկետ պարտավորությունների հարցը։
Ջոն Քիրբիի խոսքով՝ ամենակարևոր ուշադրությունը մնում է Ռուսաստանի դեմ պատերազմում Ուկրաինային օգնելուն, ինչպես նաև հետպատերազմյան վերակառուցմանը։
«Իհարկե, մենք հավատում ենք ՆԱՏՕ-ի բաց դռների քաղաքականությանը, բայց գիտակցում ենք նաև, որ ՆԱՏՕ-ի անդամ դառնալու համար յուրաքանչյուր երկիր պետք է համապատասխանի որոշակի պահանջների։ Այս երկրի եւ դաշինքի միջեւ պետք է լուրջ քննարկում լինի. Մենք ցանկանում ենք հարգել այս գործընթացը»,- ասել է Ջոն Քիրբին։
