Հայաստանում ԵՄ առաքելության ղեկավար Մարկուս Ռիտերը և Հայաստանում ԵՄ դեսպան Անդրեա Վիկտորինը ողջունել են Եվրախորհրդարանի անվտանգության եւ պաշտպանության հարցերի ենթահանձնաժողովի նախագահ Նատալի Լուազոյին և հանձնաժողովի պատվիրակությանը Սիսիանի օդանավակայանում: Նրանք կմիանան Հայաստանում ԵՄ առաքելությանը՝ դեպի Լաչինի միջանցք ծրագրված պարեկության համար: Այս մասին հայտնում են Հայաստանում ԵՄ առաքելությունից: Թեմայի շուրջ «Առաջին լրատվական»-ը զրուցել է Ռազմական և անվտանգության հարցերով փորձագետ Հրաչյա Արզումանյանը: Արզումանյանի խոսքով՝ Արցախն այսօր բացարձակ բլոկադայի մեջ է․ «Մենք պետք է բացենք շրջափակումը: Իշխանությունը պետք է հայտարարի, որ այս վիճակը ստեղծվել է ռուս-թուրքական գործարքի պատճառով: Հայաստանի պետականության համար չկա այլ կարևոր հարց, քան Սյունիքն է»: