Սփյուռքի հարցերով հանձնակատար Զարեհ Սինանյանը լրագրողների հետ ճեպազրույցում հայտարարել է, թե ցեղասպանությունը ճանաչվել է, այդ գործընթացը ավարտվել է։
«Ամբողջ աշխարհ ասելով ում նկատի ունեք՝ Չինաստանը, օրինակ, երևի չի ճանաչել, արևմտյան երկրները, Ռուսաստանը ճանաչել են։ Մեր ցեղասպանության փաստը պետք է ուղղակիորեն կապվի մեր ժողովրդի այն հատվածի անվտանգության հետ, որը մնացել ու ապրում է իր հայրենի հողի վրա։ Այսինքն ոչ թե պետք է ասենք՝ Ցեղասպանություն է եղել, ճանաչեք, այլ պետք է ասենք, որ քանի որ դուք չեք ճանաչում, Ցեղասպանություն իրագործողները կարող են դա անել նաև Արևելյան Հայաստանի հետ»,- ասել է նա։
Խոսելով Ցեղասպանության ճանաչման հետևանքների մասին, Սինանյանն ասել է. «Ցեղասպանության ճանաչումը օդի մեջ բան չի տալիս մեզ, բացի բարոյական շոյվածությունից, մենք պետք է դա կապենք այսօրվա մեր անվտանգության հետ։ Աշխարհին պետք է ասենք՝ քանի որ այսքան երկար տևեց Ցեղասպանության ճանաչման գործընթացը, դուք ոգևորեցիք այլ պեություններին, որոնք այսօր շրջափակման մեջ են վերցրել 120․000 բնակչության։ Մենք ինչո՞ւ ենք այդքան տարի պայքարել Արցախի համար, որովհետև իմացել ենք՝ Արցախը կարող է ենթարկվել նախիջևանացման»,- ասել է նա։