«Մենք ողջունում ենք երկխոսությունը, որը միտված է Հայաստանում ներքին քաղաքական իրավիճակի կայացմանը և, ընդհանրապես, մեր ազգային պետական շահերի տեսանկյունից՝ ցանկացած տիպի, այդ թվում նաև այս տիպի երկխոսությունը ողջունում ենք»,- խոսելով ՀԱԿ-իշխանություն առկախված երկխոսության մասին՝ կարծիք հայտնեց ԱԺ ՀՅԴ խմբակցության պատգամավոր Հրայր Կարապետյանը:
Սակայն նա ասաց, թե Դաշնակցությունը մտահոգություն ունի, որ գաղտնի երկխոսության արդյունքում ժողովրդի կամքը կանտեսվի: Նրա դիտարկմամբ՝ այդ երկխոսությանը ներկայացված չեն Հայաստանի բոլոր քաղաքական ուժերն ու նրանց հետևող ժողովրդի շահերը, այդ պատճառով էլ այնտեղ չէ, որ պետք է լուծվի ապագա խորհրդարանի կամ մեր երկրի ճակատագիրը:
«Բոլորի անունից խոսելը ճիշտ չէ, այն էլ այն դեպքում, երբ դա հրապարակային չէ: Հիմա՝ թե տանգո կպարեն, շախմատ կխաղան, թե տրնգի, ինչպես ասում է Գոլուստ Սահակյանը, իրենց գործն է, բայց ժողովուրդը պետք է իմանա»,- իր դիրքորոշումը պարզաբանեց Կարապետյանը:
