ԱՄՆ նախագահ Ջո Բայդենը խնդրում է օրենսդիրներին հաջորդ ֆինանսական տարում (հոկտեմբերի 1-ից) բյուջեից հատկացնել 108 միլիոն դոլար՝ Արևմտյան Բալկաններում Ռուսաստանի, ըստ ձևակերպման, «կործանարար ազդեցության» դեմ պայքարելու համար։ Այս մասին հայտարարել է ԱՄՆ Միջազգային զարգացման գործակալության (USAID) Եվրոպայի և Եվրասիայի հարցերով ղեկավարի օգնական Էրին Մաքքին ԱՄՆ Ներկայացուցիչների պալատի արտաքին հարաբերությունների ենթահանձնաժողովի լսումների ժամանակ։
Նրա խոսքով՝ Ռուսաստանի Դաշնության ազդեցությունը «դուրս է գալիս Ուկրաինայի, Բելառուսի և Մոլդովայի սահմաններից»։ Ըստ Մաքքիի՝ Մոսկվան «ձգտում է օգտագործել Արևմտյան Բալկաններում առկա տեղական պառակտումները և փորձում է խաթարել խաղաղությունն ու կայունությունը՝ հրահրելով և սրելով էթնիկ հակասությունները, շարունակելով ժողովրդավարությունը և քաղաքական գործընթացները խարխլելու ջանքերը և ապատեղեկատվություն տարածելով»:
Ըստ USAID-ի ղեկավարի օգնականի՝ Բայդենը նաև 31 միլիոն դոլար է խնդրել Բոսնիա և Հերցեգովինայում «ռուսական ազդեցությունը մեղմելու համար», որպեսզի երկիրը կարողանա բարեփոխել, վերակառուցել և դիվերսիֆիկացնել երկրի բնական գազի շուկան:
