Առնվազն 10 մարդ է զոհվել, 25-ը՝ վիրավորվել, երբ Պերուի արևմուտքում ավտոբուսը զառիթափից ընկել է գետը: Այս մասին հաղորդում է La Republica պարբերականը:
Դեպքը տեղի է ունեցել ապրիլի 10-ին: Հաղորդվում է, որ վթարի պահին ավտոբուսում եղել է 76 մարդ: 12 տուժածներ վնասվածքների ծանրության պատճառով հոսպիտալացվել են։ Ավտոբուսն Ուանուկո քաղաքից ուղևորվում էր Լիմա։
Ինչպես պնդում է ուղևորափոխադրումներ կատարող ընկերությունը, ավտոբուսը զառիթափից ընկել է բեռնատարի հետ բախվելուց հետո։ Սակայն դեպքի վայր ժամանած ոստիկանները պատահարի վայրում այլ տրանսպորտային միջոցներ չեն հայտնաբերել։ Իրավապահ մարմինները հետաքննում են միջադեպը:
Despiste hacia el río de un ómnibus. En el Km 109 Rosaura #chicla #CarreteraCentral, presencia de múltiples heridos nuestras unidades de ambulancia se encuentran atendiendo, @cgbvpoficial se están dirigiendo a la zona para realizar el rescate pic.twitter.com/MjxyFMiyT3
— Deviandes Tramo2 (@DeviandesPeru) April 10, 2023
