Սի Ցզինպինը պատրաստակամություն է հայտնում զրուցել Վլադիմիր Զելենսկիի հետ,- հայտարարել է Եվրահանձնաժողովի նախագահ Ուրսուլա ֆոն դեր Լեյենը Սի Ցզինպինի հետ հանդիպումից հետո։
«Ես նախագահ Սի Ցզինպինին կոչ եմ արել դիմել նախագահ Զելենսկիին։ Հետաքրքիր էր լսել, որ նախագահ Սի Ցզինպինը վերահաստատեց իր պատրաստակամությունը երկխոսության համար, երբ հարմար պայմաններն ու ժամանակը լինեն: Կարծում եմ՝ սա դրական տարր է»,- ասել է Եվրահանձնաժողովի նախագահը։
Ուրսուլա ֆոն դեր Լեյենը Չինաստանում է Ֆրանսիայի նախագահ Էմանուել Մակրոնի հետ եռօրյա այցի շրջանակներում։ Նրանք զրուցել են նաև Չինաստանի վարչապետի հետ, իսկ ավելի ուշ նախատեսում են հանդիպել ներդրողների հետ։
