«Առաջին լրատվական»-ի նկարահանող խումբն այսօր այցելել է Սյունիքի մարզ` Տեղ համայնք:
Հիշեցնենք, որ ըստ Ազգային անվտանգության ծառայության հաղորդագրության, ապրիլի 1-ից՝ ՀՀ տարածքը Լաչինի միջանցքին կապող երթուղին պիտի անցնի Կոռնիձոր-Տեղ երթուղիով՝ միայն ՀՀ տարածքով։ Հայաստանի եւ Ադրբեջանի միջեւ նախօրեին ձեռբերված պայմանավորվածությունների համաձայն՝ երկու երկրների սահմանապահները մարտի վերջին օրերին վերոհիշյալ հատվածի երկայնքով պետք է տեղակայվեին սահմանի երկու կողմերում: Հենց դրանով պայմանավորված՝ հայկական կողմի հաշվարկներով՝ հինգ կետում ադրբեջանական կողմը սահմանից 100-ից 300 մետր ավելի առաջ է տեղակայվել:
Մեզ հետ զրույցում գորիսեցի տղամարդը իր վրդովմունքն հայտնեց, որ անտարբերություն է, թշնամին հասել է գյուղ, բոլոր արտովայրերն ու ցանքատարածությունները հայտնվել են թշնամու վերահսկողության տակ. «Թուրքը գա հասնի Երևան, ինչա թե էսկալացիա թույլ չտա՞նք, հայրենիք ենք կորցնում: Քանի ռուսը ստեղա, մենք անընդհատ պարտվելու ենք»: