Կրակոցներ միշտ եղել են ու կլինեն, բայց ոչ ռուսական զորքի վրա: «Առաջին լրատվական»-ի հետ զրույցում նշեց ԱԺ ՔՊ խմբակցության պատգամավոր Գագիկ Մելքոնյանը:
Պատգամավորի խոսքով՝ ՌԴ պետական շահն է թելադրում չարձագանքել հրադադարի խախտմանը, որովհետև Ադրբեջանը դաշնակից է․ «Եթե ինքնաթիռ կործանողին ոչինչ չեն ասում, դեսպանին սպանողին չեն արձագանքում, երկու զինվոր վիրավորելը ՌԴ-ի համար ինչ է: Սեպտեմբերի 13-ին ռուսական հենակետերը էսկալացիայից չորս-հինգ ժամ առաջ լքել էին զորամասը: Ռուսաստանն ու Ադրբեջանը իրական դաշնակիցներ են, մեզ համարում են թշնամիներ: Ռուս-հայկական հարաբերությունները գնալով սառում են, իրենք հասցրեցին դրան: Ռուսաստանը խոստացավ, բայց մեր անվտանգությունը չապահովեց, թիզ-թիզ տալով գնում են:
Պատգամավորը նաև նկատեց․ «Ռուսաստանը Ադրբեջանի հետ համագործակցությամբ Հայաստանը սարքել են մանրադրամ, դրա համար դիմում ենք միջազգային կառույցներին: ԵՄ առաքելությունը ոսկոր է Մոսկվայի կոկորդին․ շուտով շատ բան են կորցնելու: ԵՄ դիտորդների տեղակայումով Մոսկվան մտահոգություն ունի, որ կորցնելու է Հարավային Կովկասում ազդեցությունը»:
