«ԵԱՀԿ Մինսկի խումբը ցանկանում էր, որ ղարաբաղյան հակամարտությունը հավերժ սառեցված լինի», – մարտի 9-ին հայտարարել է Ադրբեջանի նախագահ Իլհամ Ալիևը Բաքվում անցկացվող «Խաղաղությունն այսօր. մարտահրավերներ և հույսեր» թեմայով 10-րդ գլոբալ ֆորումի բացման արարողության ժամանակ։
«1992 թվականին՝ հակամարտության սկսվելուց անմիջապես հետո, ԵԱՀԿ-ն ստեղծեց Մինսկի խումբը։ Բայց, ցավոք, 28 տարվա ընթացքում Մինսկի խումբը ոչ մի արդյունքի չի հասել։ Եվ բանակցային գործընթացի վերջում մեզ թվաց, թե իրենք պարզապես ուզում են սառեցնել իրավիճակը։ Նրանք ցանկանում էին, որ այս հակամարտությունը ընդմիշտ սառեցվի։ Բայց մենք դրա հետ համաձայն չէինք։ Մենք արել ենք այն, ինչ հարկ ենք համարել անել՝ օգտագործելով ինքնապաշտպանության մեր իրավունքը, ՄԱԿ-ի կանոնադրությունը։ Մենք ուժով ազատագրել ենք մեր տարածքները։ Դա մեր օրինական իրավունքն էր», – նշել է երկրի ղեկավարը։
