«Մինչ օրս չունենք արցախյան հիմնահարցի հայեցակարգ։ Արցախյան շարժումն այն զանգն էր, որն արագացրեց ԽՍՀՄ-ի տապալումը»,- այսօր «Հայացք» մամուլի ակումբում կայացած ասուլիսի ժամանակ ասաց գիտությունների դոկտոր, պրոֆեսոր, ԵՊՀ պատմության ֆակուլտետի դեկան Էդիկ Մինասյանը։
Նա միաժամանակ նկատեց, որ Արցախն այսօր կայացած պետություն է, ընտրել է իր զարգացման ուղին, պարզապես որոշ խնդիրներ կան՝ վերաբնակեցման հետ կապված։ Ըստ նրա՝ բանակցությունների ընթացքում մոռանում ենք, որ պետք է օգտագործենք մեր տարծքները, որոնք օկուպացվել են Արբեջանի կողմից։ Մենք սովոր ենք պաշտպանվել, բայց նախահարձակ չենք լինում, ինչպես նաև՝ անհրաժետություն է Արցախի մասնակցությունը բանակցություններին: Այնինչ Ադրբեջանը չի դադարում ուժի դիրքերից խոսել:
ԱԺ պատգամավոր, «Ժառանգություն» խմբակցության անդամ Լարիսա Ալավերդյանն էլ հայտնեց, որ իր հարցին, թե արդյո՞ք մեր ԱԳՆ-ն ունի արցախյան հիմնահարցի վերաբերյալ հայեցակարգ, իրեն պատասխանել են, որ դեռ մշակվում է։ Ալավերդյանը նշեց, որ այդտեղ է մեր սխալը։ Իսկ այն մեթոդը, որը 1992 թվականից ներկայացվել է ՀՀ-ի կողմից, ամբողջովին խեղաթյուրում է արցախյան հիմնահարցի բուն էությունը։
Ալավերդյանն առանձնացրեց ԱԺ-ի պասիվությանը։ Ավելին՝ նշեց, որ շատ նախաձեռնություններ խոչընդոտվում են հենց ԱԺ-ի կողմից։ Օրինակ 92 և 94 թվականների գործողությունները Ադրբեջանի կողմից պետք է ճանաչվեն որպես ցեղասպանություն։ Եթե Ադրբեջանը, ըստ նրա, ունենար մեր հաղթական փաստաթղթերի տասը տոկոսը, գոնե կարգելեր մեզ մուտք գործել միջազգային ատյաններ։ Իսկ մենք «ամաչում» ենք նույնիսկ մեր արածների համար, որ թույլ չենք տվել մեզ կործանել:
