Իսրայելում հետաքննում են համացանցում հայտնված մի տեսանյութ, որտեղ իսրայելցի զինվորականները պարում են եւ ծանակում ձերբակալված պաղեստիցի մի կնոջ :
Ինչպես հաղորդում է New-York Times օրաթերթը` տեսանյութում պատկերված է մուսուլմանական համազգեստով մի կին, որի շուրջ զինվորականները պարում են արեւելյան պարեր եւ բղավում են Ալլահ աքբար` Աստված մեծ է:
Բանակի պաշտոնական հայտարարության մեջ ասվում է, որ գործն ուղարկվել է քննության, եւ ամեն ինչ կարվի, որպեսզի ապագայում խուսափենք նմանատիպ դեպքերից: Այդ նպատակով սպաների համար դասընթացներ են կազմակերպվել, անհրաժեշտության դեպքում զինվորականները պատիժ են կրում :
Լարվածությունը հատկապես մեծացել է վերջին շաբաթվա ընթացքում, երբ հրեա վերաբնակների կողմից այրվել էր մի մզկիթ: Այս լարվածությունը մեղմելու համար ռաբբիների պատվիրակություն է ուղարկվել` պաղեստինցիներին նոր Ղուրաններ նվիրելու որպես հաշտության նշան: