Հենց նոր կառավարության շենքի մոտ հավաքված զոհված զինծառայողների հարազատների և լրագրողների հարցերին պատասխանեց արդարադատության նախարար Հրայր Թովմասյանը: Նա ասաց, որ պետք չէ միայն բանակը առանձնացնել, այդ նույն իրավիճակը տիրում է ամբողջ հասարակության մեջ: «Ինչ կա հասարակության մեջ՝ նույնը կա բանակում:
Մե՞նք ենք դաստիարակել այդ սպային, ով հետո ծեծել է զինվորին: Նա էլ մեր հասարակության մի անդամն է, դա բոլորիս խնդիրն է»,- ասաց նախարարը` ավելացնելով, որ սպայական կազմը դեռ ձևավորվում է, և դրա համար ժամանակ է պետք:
Հրայր Թովմասյանը ասաց նաև, որ ինքը դատարանի «շեֆը» չէ. «ես չեմ կարող միջամտել դատական պրոցեսին քանի դեռ չկա ուժի մեջ մտած դատավճիռ, դատավճիռից հետո միայն, եթե ես գտնեմ, որ թույլ է տրվել կոպիտ խախտում՝ ես կմիջամտեմ»։
