Կառավարության շենքի մոտ այսօր բողոքի ակցիա են կազմակերպել բանակում սպանված զինծառայողների ծնողները, ովքեր պահանջում են իրենց զավակների սպանությունների բացահայտում: Այս անգամ նրանց միացել են տասնյակ հասարակական գործիչներ և իրավապաշտպաններ, հկ-ներ, «Բանակն առանց մարդասպանների» նախաձեռնության կազմակերպիչները: Այստեղ են կանայք, ովքեր ունեն տղաներ, ովքեր անհանգստացած են տիրող իրավիճակով և չեն պատկերացնում, թե ինչպես իրենց որդիներին ուղարկեն բանակ:
Ակցիայի մասնակիցները կարծում են, որ նախարոդ դեպքերի անպատժելի մնալը առիթ է հանդիսանում նոր վայրագությունների համար: «Այժմ մեր պահանջը պետք է լինի ոչ միայն բացահայտումը, այլև աշնանային զինակոչից առաջ ՊՆ-ն պետք է երաշխիք տա, որ մեր որդիները գնալու են անվտանգ բանակ, հիմա մեր երաշխիքը այդ ստանալն է»,- մեզ հետ զրույցում նշեց Հելսինկյան ասոցացիայի Վանաձորի գրասենյակի նախագահ Արթուր Սաքունցը:
«Բանակն առանց մարդասպանների» նախաձեռնության անդամները կրում են սև հագուստ՝ ի նշան ցավակցության զոհվածների ընտանիքներին:
