Ձեր հակասություննե՞րն են ավելի կարևոր, թե՞ այս պետության լինել – չլինելը

«Անտարես» հոլդինգի տնօրեն Արմեն Մարտիրոսյանի կարծիքով՝ կոմունիկացիայի բացակայությունը բերում է կոնֆլիկտի։ Նա «Առաջին լրատվական»-ի տաղավարում անդրադարձավ վեհափառի հովանու ներքո անցկացված նախկին նախագահների հանդիպմանը և նշեց, որ կա միմյանց հետ խոսելու ու քննարկելու անհրաժեշտություն.«Ունենք այն, ինչ ունենք․ պետք է երազանքների մեջ լինես, որ ուզենաս Ռուզվելտը լինի քո իշխանությունը։Մենք իրար վրա կրակել ենք, Ղարաբաղից զորք ենք բերել․․․ բայց մյուս նժարի վրա մեր պետության լինել-չլինելու հարցն է։ Չենք ասում ամուսնացեք, ասում ենք ՝ ընդամենը խոսեք, կարծիքներ փոխանակեք»: Արմեն Մարտիրոսյանը նաև նկատեց, որ մեր բոլոր աղետների, պարտությունների արմատներն անկրթության մեջ է: