Սան Մարինոյի մեծ գլխավոր խորհուրդը (միապալատ խորհրդարան) երկրորդ ընթերցմամբ հավանություն է տվել հղիության կամավոր ընդհատումը կարգավորող օրինագծին: Ինչպես հայտնել Է ANSA գործակալությունը, կողմ է քվեարկել 32 պատգամավոր, դեմ՝ 7, ևս 10-ը ձեռնպահ է մնացել:
Այսպիսով, ANSA-ն նշում է, որ Սան Մարինոյում աբորտներն այլևս քրեական հանցագործություն չեն համարվի։ Օրենքն ուժի մեջ կմտնի պաշտոնական հրապարակումից հետո 5-րդ օրը։
2021 թվականի սեպտեմբերին Սան Մարինոյում տեղի էր ունեցել հանրաքվե, որում հանրապետության բնակիչները քվեարկել էին աբորտներն արգելող օրենքի վերացման օգտին (77%-ը կողմ էր քվեարկել, 22%-ը՝ դեմ):
