Լիբիացի ապստամբները NATO-ին կոչ են անում շարունակել ռմբակոծությունները: Այս մասին հայտնում է BBC-ն: Լիբիայի Ազգային անցումային խորհրդի նախագահ Մուստաֆա Աբդ-Ալ Ջալիլը այս մասին հայտարարել է Կատարում:
Նա նաև նշել է, որ Մուամմար Քադաֆին դեռ շարունակում է սպառնալիք մնալ ինչպես Լիբիայի, այնպես էլ ողջ աշխարհի համար:
Միաժամանակ newsru.com-ը, հղում անելով Լիբիայում աշխատող ուկրաինացի բժիշկների խոսքերին, նշում է, որ Տրիպոլին փորձում է վերադառնալ նորմալ կյանքի: Քաղաքում այսօր արդեն վերսկսել է իր աշխատանքը կենտրոնական շուկան, որտեղից հնարավոր է գնել անհրաժեշտ սննդամթերք:
Ապստամբները քաղաքի տարբեր մասերում անվճար խմելու ջուր են բաժանում քաղաքացիներին: Ըստ ուկրաինացիների վկայության, Տրիպոլիում նույնիսկ աղբահանություն է իրականացվում:
