Եվրոպական խորհրդի նախագահ Շառլ Միշելը ԼՂ-ում ստեղծված իրավիճակը «ակտիվորեն քննարկում» է Հայաստանի և Ադրբեջանի առաջնորդների հետ: Նա արդեն զրուցել է Հայաստանի վարչապետ Նիկոլ Փաշինյանի հետ և առաջիկայում խոսելու է Ադրբեջանի նախագահ Իլհամ Ալիևի հետ: Այս մասին հայտնում է Euronews-ը։
«Միշելի թիմը և Հվ. Կովկասում ԵՄ հատուկ ներկայացուցիչ Տոյվո Կլաարը վերջին օրերին ինտենսիվ շփումների մեջ են երկու կողմերի հետ` հորդորելով անհապաղ անցնել դեէսկալացիայի և առաջընթաց ապահովել երկխոսության սեղանին առկա բոլոր օրակարգային հարցերում»,- Euronews-ին փոխանցել է ԵՄ մի պաշտոնյա:
