Հուլիսի 1-ից Հայաստանի քաղաքացիներն ֆինանսական ցանկացած գործարք պետք է անեն անկանխիկ, բանկային, քարտային համակարգով։ Լինի դա խանութից պարզապես որեւէ ապրանք՝ 300 հազար դրամը գերազանցող հեռուստացույց, սառնարան, կահույք, զարդ, զգեստ, սարքավորում, դեղորայք, սնունդ ձեռք բերելիս կամ որեւէ ծառայություն գնելիս եւ այլ գործարք կատարելիս։ Թեմայի շուրջ «Առաջին լրատվական»-ը զրուցել է «Քաղաքացի-հարկատու-բիզնես» իրավապաշտպան կազմակերպության համահիմնադիր Էդուարդ Բադալյանի հետ:
Բադալյանի խոսքով՝ անկանխիկը կարող է նպաստել ստվերի դեմ պայքարին, բայց գումարը բանկ տանելու խնդիր է դրված․ «Լավ նախադեպ չէ, երբ օրենքով տալիս ենք կարգավորումներ, բայց չենք կարողանում վերահսկել: Մարզերում նիսյայով առևտուրը դեռ գործում է, ինչպես են նրանց պարտադրելու անկանխիկը»: