Կարակալպակստանի մայրաքաղաք Նուկուս քաղաքում բողոքի ցույցերի ժամանակ զոհվել են անվտանգության ուժեր և խաղաղ բնակիչներ։ Այս մասին հայտարարել է Ուզբեկստանի նախագահ Շավքաթ Միրզիյոևը։
«Ցավոք սրտի, կան զոհեր խաղաղ բնակիչների և իրավապահների շրջանում», – ասել է Միրզիյոևը՝ ելույթ ունենալով պատգամավորների առջև։
Նա չի նշել մահացածների թիվը։
Հիշեցնենք, որ Ուզբեկստանի իշխանությունները հրապարակել են Սահմանադրության նոր տարբերակը, որը բացառում է երկրի ինքնավար հանրապետության՝ Կարակալպակստանի ինքնիշխան կարգավիճակը և Հանրապետության կազմից դուրս գալու իրավունքը:
Ի նշան բողոքի՝ տարածաշրջանի մայրաքաղաք Նուկուսում և այլ խոշոր քաղաքներում հազարավոր մարդիկ դուրս են եկել փողոց:
