Պտուղ-բանջարեղենի, հատկապես՝ ծիրանի արտահանման այս թեժ սեզոնին մի կողմից Լարսում առկա խնդիրները, մյուս կողմից արտարժույթի փոխարժեքը լրջագույն խնդիրներ են առաջացնում արտահանողների համար։ Այդ խնդիրները, դրանց հաղթահարման ուղիները «Առաջին լրատվական»-ը զրուցել է Տնտեսական գիտությունների թեկնածու, դոցենտ, կառավարման փորձագետ Կարեն Սարգսյանի հետ:
Տնտեսագետի փոխանցմամբ՝ արտահանման հետ կապված լոգիստիկ խնդիրներ են առաջացել: Լարսի հետ կապված կառավարությունը ջանքեր պետք է գործադրի: Պետության դերակատարումը խաղի կանոնների սահմանումն է, բայց միջպետական սահմանին լուրջ ռիսկեր են: Ավելի մեծ թողունակությամբ անցակետ պետք է կառուցվի․ Հայաստանը պետք է դիվանագիտական ջանք գործադրի: Լարսը միակ ցամաքային ճաապարհն է Հայաստանի համար, հարցը պետք է հրատապ լուծվի»:
Սարգսյանի բնորոշմամբ՝ սա լուրջ մարտահրավեր է մեզ համար․ միակ տարբերակը Լարսի երկրորդ անցակետի գործարկումն է․ «Մեզ համար սա շուկա կորցնելու խնդիր է․ պետք է գործարկվի Լարսի երկրորդ անցակետը»:
