Մենք տեղեկացրել էինք, որ ամերիկյան Միսուրի նահանգի օրենսդիր մարմինը որոշում էր ընդունել, համաձայն որի՝ ուսուցիչներն իրավունք չունեն սոցիալական ցանցերի միջոցով շփվել իրենց աշակերտների հետ: Այս քայլը նրանք բացատրել էին երեխաների նկատմամբ սեռական բնույթի ոտնձգությունները կանխելու անհրաժեշտությամբ:
Սակայն այդ նահանգի ուսուցիչներից մեկը դատի է տվել նահանգային իշխանություններին, քանի որ այդ օրենքը ահմանափակում է Facebook սոցիալական ցանցում իր և իր երեխաների միջև շփումը: Ըստ թերթի հաղորդած տեղեկությունների` Քրիստինա Թոմասի երեխաները սովորում են նույն դպրոցում, որտեղ նա դասավանդում է: Քրիստինան նշել է, որ այս օրենքը սահմանափակում է իր իրավունքները:
Ավելի վաղ համատեղ հայցով դատարան էին դիմել ուսուցչական մի կազմակերպության անդամներ, ովքեր հակասահմանադրական էին համարել Միսուրի նահանգում ընդունված այդ օրենքը: