Ապրիլի 5-ին տեղի ունեցավ Ֆասթ Կրեդիտ վարկային կազմակերպության Տարեկան ամփոփիչ ժողովը, որի ընթացքում Ընկերության ղեկավար կազմի կողմից ներկայացվեցին 2021 թվականի ձեռքբերումներն ու գրանցած ցուցանիշները։
Ֆասթ Կրեդիտ վարկային կազմակերպության Խորհրդի նախագահ Վահե Բադալյանն իր ելույթում խոսելով 2021 թվականի ձեռքբերումներից փաստեց, որ նախորդ տարվա ընթացքում կազմակերպությունը գրանցել է մրցակցային ցուցանիշներ ոչ միայն ֆինանսավարկային, այլև ֆինանսաբանկային ոլորտում, այդպիսով․
- Գրանցել է վարկային պորտֆելի աճ՝ հասցնելով այն 52 մլրդ դրամի,
- Ապահովել է զուտ շահույթ 7․3 մլրդ դրամի չափով՝ զբաղեցնելով 6-րդ տեղը ֆինանսաբանկային ոլորտում,
- Ակտիվ հաճախորդների քանակը տարվա ընթացքում դարձել է 137․700, իսկ վարկերի քանակը 256,000՝ նախորդ տարվա համեմատ ապահովելով 23%-ի աճ,
- 2021 թվականի ընթացքում բացել է ևս 2 մասնաճյուղ, այդպիսով մասնաճյուղերի քանակը դարձնելով 28՝ ավելի մոտ ու հասանելի լինելու համար իր հաճախորդներին,
- Ստացել է ISO 27001 ստանդարտացում։
Այս ցուցանիշները փաստում են ոչ միայն պրոֆեսիոնալ թիմային աշխատանքի, այլև հաճախորդների կողմից Կազմակերպությանը տրված վստահության և Ֆասթ Կրեդիտը որպես հուսալի գործընկեր ճանաչելու մասին։
2021 թվականի Տարեկան ամփոփիչ ժողովի ընթացքում ելույթներով հանդես եկան Ֆասթ Կրեդիտ վարկային կազմակերպության, FastShift վճարահաշվարկային ընկերության, Անգլիայում գործող FJewellery ոսկյա իրերի վաճառքի սրահների ցանցի, Fast Credit UK և Fast Credit Ukraine վարկային կազմակերպությունների տնօրեններն, ովքեր ներկայացրեցին ինչպես իրենց Ընկերությունների գրանցած հաջողություններն, այնպես էլ տեղական և արտասահմանյան շուկայում ֆինանսաբանկային գործունեության ընդլայնման հնարավորությունները։
Ֆասթ Կրեդիտի կարևորագույն ձեռքբերումներից է եղել 2021 թվականին ՀՀ ԿԲ կողմից բանկ դառնալու նախնական հավանության ստացումը։
Ընկերության բանկային տրանսֆորմացիայի հարցում կարևոր դեր կունենան FinConstruct IT ընկերությունն՝ իր նորարար ու ժամանակակից թվային լուծումներով, ինչպես նաև FastShift վճարահաշվարկային ընկերությունն՝ իր տերմինալային ցանցով և բջջային հավելվածով։
28 տարվա շուրջօրյա աշխատանքի արդյունքում Ֆասթ Կրեդիտ վարկային կազմակերպությունն առաջատար դիրքեր է զբաղեցրել ֆինանասական ոլորտում և այժմ պատրաստվում է նոր էջ բացել իր գործունեության պատմության մեջ։ Ֆինանսաբանակային ոլորտում գործունեությունը հնարավորություն կտա Կազմակերպությանը իրացնելու այն հսկայան ներուժը, որ տարիների ընթացքում ստեղծվել ու զարգացել է Հոլդինգի ներսում։
