Հայաստանը պաշտոնապես ազդարարեց Ադրբեջանի հետ խաղաղության պայմանագրի շուրջ բանակցություն կազմակերպելու նպատակով ԵԱՀԿ ՄԽ համանախագահությանը դիմելու մասին: Հայաստանի ԱԳՆ տարածած հաղորդագրության մեջ նշվում է, որ Երևանն արձագանքել է Ադբրբեջանի առաջարկներին և «ՄԱԿ կանոնադրության, Քաղաքական և քաղաքացիական իրավունքների միջազգային դաշնագրի և Հելսինկիի Եզրափակիչ ակտի հիման վրա Հայաստանի Հանրապետության և Ադրբեջանի Հանրապետության միջև խաղաղության պայմանագրի կնքման նպատակով բանակցություններ կազմակերպելու համար դիմել է ԵԱՀԿ ՄԽ համանախագահությանը։Թեմայի շուրջ «Առաջին լրատվական»-ը զրուցել է «Հանուն Հանրապետության» կուսակցության նախագահ Արման Բաբաջանյանի հետ:
Բաբաջանյանի գնահատմամբ՝ Երևանի արձագանքը հույս է ներշնչում, որ ամեն ինչ ճիշտ է ընթանում:
Ըստ Բաբաջանյանի՝ 44-օրյա պատերազմից հետո Հայաստանի գոյությունը և ապագան կախված է ՀՀ-ի՝ Թուրքիայի հետ խոսելու ընդունակությունից: