Նախկինում անհայտ «Ջիհադական դիմադրություն» ահաբեկչական կազմակերպությունն իր վրա է վերցրել Իսրայելի Էյլատ նավահանգստի մոտակայքում իրականացված 3 ահաբեկչությունների պատասխանատվությունը: Ահաբեկչական նոր կազմակերպության ներկայացուցիչը հայտարարել է, որ ահաբեկչության թիրախը Իսրայելի պաշտպանության նախարար Էհուդ Բարաքն է եղել:
Հիշեցնենք, որ անցած շաբաթ Իսրայելում իրականացված 3 ահաբեկչությունների զոհ էր դարձել 8 իսրայելցի, ինչի արդյունքում իսրայելական ռազմաօդային ուժերը հրթիռակոծման էին ենթարկել Գազան` սպանելով «Ազգային դիմադրության կոմիտեներ» կազմակերպության առաջնորդներից մի քանիսին, քանի որ նրանց էին կասկածում ահաբեկչությունների կազմակերպման մեջ: Իսրայելական հարձակումների հետևանքով սպանվել էր նաև 2 երեխա: Ի պատասխան այդ հարձակման Գազայից Իսրայելի ուղղությամբ արձակվել էր ավելի քան 30 հրթիռ:
