ԱՄՆ նախագահ Բարաք Օբաման ընդունել է, որ շատ ամերիկացիներ դժգոհ են այն բանից, թե ինչպես է ինքը լուծում երկրի տնտեսական խնդիրները:
«Գործազրկության մակարդակը դեռ շատ բարձր է, իսկ տնտեսությունը աճում է ոչ բավարար տեմպով: Ասել, թե մեր կայացրած որոշումները ճիշտ են, և ամեն ինչ ավելի վատ կլիներ, եթե մենք չկայացնեինք այդ որոշումները՝ սա թույլ սփոփանք է այն մարդկանց համար, ովքեր այժմ աշխատանք չունեն»,- ասել է նախագահը CBS հեռուստաալիքի հետ հարցազրույցում, որը եթեր է հեռարձակվել կիրակի:
Նախագահը վստահ է, որ երկրին չի սպառնում տնտեսական նոր անկում. «Չեմ կարծում, որ մեզ սպառնում է նոր ռեցեսիա, բայց մենք բախվում ենք այն վտանգին, որ տնտեսության վերականգնման տեմպը դանդաղ է ընթանում, որպեսզի լուծենք գործազրկության հետ կապված ճգնաժամի խնդիրը»,- ավելացրել է նա: