Այսօր ԿԳ նախարարության լրատվական վարչության պետ Արթուր Բաղդասարյանից հետաքրքրվեցինք, թե այս տարի քանի՞ դիմորդ է ընդունվել հավատարմագրված ոչ պետական բուհեր: Նրա պատասխանը զարմանալի էր՝ հավատարմագրված ոչ պետական բուհեր ընդունվել է 9 ուսանող, որոնցից մեկը Գյումրիի Պրոգրես համալսարան, իսկ 8-ը՝ Գեղեցիկ արվեստների ազգային ակադեմիա:
Արթուր Բաղդասարյանի խոսքերով՝ ի տարբերություն նախորդ տարիների, այս տարի հավատարմագրված ոչ պետական բուհերը միասնական ընդունելության քննակագրով են ընդունվել: Այսինքն՝ նրանք մասնակցել են միասնական քննություններին: Իսկ դիմորդների քիչ լինելու հիմնական պատճառն օրենքի փոփոխությունների արդյունքում շրջանավարտներ չլինելու հանգամանքն է:
Ինչ վերաբերում է պետական բուհերին, ապա շուրջ 1000 դիմորդ ընդունվել է ԵՊՀ, 95 հոգի՝ Պոլիտեխնիկական ինստիտուտ, 115 հոգի՝ տնտեսագիտական համալսարան:
Արթուր Բաղդասարյանն ավելացրեց, որ, բնականաբար, կան նաև չընդունվողներ:
