Գները շատ են բարձրացել․ քաղաքացիները սովորականից զուսպ են նշելու Նոր տարին

«Առաջին լրատվական»-ը հետաքրքրվել է քաղաքացիներից,թե ինչպես են պատրաստվում անցկացնել ամանորյա տոները, ինչպես նաև՝ հարցրել ենք նախատոնական գներից, թե արդյոք զգա՞լի են թանկացումները և ինչ ազդեցություն կունենա մարդկանց տոնական սեղանների և տրամադրության վրա։ Հարցվողների մեծ մասը նախ նշեց,որ չավարտվող պատերազմի ողբերգական հետևանքները դեռևս թույլ չեն տալիս լիաթոք ուրախությամբ տոները նշելու,բայց ավելի սովորական,զուսպ կերպով կնշեն։ Խոսելով նախատոնական գներից՝ հարցվողները միանշանակ փաստեցին,որ գնաճն այնքան բարձր է,որ գերազանցում է մեծամասնության եկամուտներին,ֆինանսական հնարավորություններին,բայց դա չի խանգարի,որ հայերս նույն շուքով նշենք Նոր տարին ու սուրբ ծնունդը։ Քաղաքացիները նշեցին նաև,որ հատկապես անհանգստացնող է առաջնային անհրաժեշտության ապրանքների բարձր գնաճը, և շատ անապահով ընտանիքների վրա բացասական ազդեցություն կունենա։