Այսօր կառավարության շենքի մոտ կրկին հավաքվել են ապամոնտաժված կրպակների տերերը: Նրանք ասում են, որ նախագահականից իրենց ոչ մի հստակ պատասխան չի տրվել, և չեն դադարելու ակցիաներ կազմակերպել՝ մինչև հարցը լուծվի:
Բողոքողներին է միացել նաև «Ժառանգության» պատգամավոր Անահիտ Բախշյանը: «Խնդիրն այն է, որ ապամոնտաժման համար ներկայացված հիմնավորումները օրինականացված չեն. հարցը կլուծվի, եթե կառավարության գործն ու խոսքը համապատասխանեն իրար »,- «Առաջին լրատվական»-ի հետ զրույցում ասաց Անահիտ Բախշյանը: Նա կրպակատերերի հարցով դիմել է կառավարությանը:
Փափազյան փողոցի կրպակատերերի միակ հույսն այն է, որ ԱԺ նախագահին ուղղված «Ժառանգության» պատգամավորների դիմումի արդյունքում օրենքի նախագիծ մշակվի, օրենք ընդունվի, և հարցը օրինական լուծում ստանա:
