Սիրիայի Արաբական Հանրապետությունում (ՍԱՀ) օտարերկրյա զորքերի անօրինական ռազմական ներկայությունը ապակայունացնող գործոն Է երկրի վերականգնման ճանապարհին: Այդ մասին ասվում Է ՌԴ-ի եւ ՍԱՀ-ի՝ սիրիացի փախստականների հայրենի վայրեր վերադառնալու գործընթացի ակտիվացման հարցերով միջգերատեսչական համակարգող շտաբների (ՄՀՇ) համատեղ հայտարարության մեջ:
«Միջգերատեսչական համակարգող շտաբների (ՄՀՇ) համատեղ նիստի ընթացքում որոշվել են այն գլխավոր խնդիրները, որոնք ծառացած են սիրիացի ժողովրդի՝ նորմալ կյանքին վերադառնալու ճանապարհին: Դա օտարերկրյա զորքերի կողմից ինքնիշխան սիրիական պետության, ՄԱԿ-ի անդամի տարածքների բռնազավթում Է»,-ասվում Է հայտարարության մեջ:
Ընդգծվում Է, որ Սիրիայում հենց անօրինական ռազմական ներկայությունն Է հիմնական ապակայունացնող գործոնը երկրի վերականգնման ճանապարհին: «Այն հանգեցնում Է ՍԱՀ-ի բնական ռեսուրսների կողոպտման եւ տարածաշրջանում լարվածության օջախների բորբոքման»,-նշվում Է փաստաթղթում:
Որպես մեկ այլ բացասական գործոն նշվում Է նաեւ ՍԱՀ-ի նկատմամբ պատժամիջոցների ճնշման քաղաքականությունը, որը խոչընդոտում Է երկրի հետպատերազմյան վերականգնմանը եւ Սիրիայի հասարակ քաղաքացիներին զրկում նորմալ ապրելու հնարավորություններից: Հայտարարության մեջ նաեւ նշվում Է արեւմտյան երկրների կողմից իրականացվող քաղաքականությունը, որն ուղղված Է Դամասկոսի վերահսկողության ներքո գտնվող տարածքների խտրականությանը, ահաբեկիչների արդարացմանը, փախստականների վերադարձի արգելափակմանը եւ հակամարտությունից հետո երկրի վերականգնմանը:
«Սիրիացի փախստականների հայրենիք վերադառնալու ճանապարհին խոչընչոտների հաղթահարման, ինչպես նաեւ բազմաչարչար սիրիական հողում խաղաղ կյանքի վերականգնման համար անհրաժեշտ ենք համարում, որպեսզի ողջ համաշխարհային հանրակցությունը միանա երկրի վերականգնման խնդիրների լուծմանը եւ Սիրիային ցուցաբերվող հումանիտար աջակցությանը»,-ընդգծվում Է համատեղ հայտարարության մեջ:
Դամասկոսում նոյեմբերի 16-ին տեղի Է ունեցել ՌԴ-ի եւ ՍԱՀ-ի միջգերատեսչական համակարգող շտաբների հերթական համատեղ նիստ՝ նվիրված սիրիացի քաղաքացիների անվտանգ, արժանավայել եւ կամավոր հայրենիք վերադարձին աջակցությանը, որին մասնակցել են ՄԱԿ-ի պրոֆիլային կառույցների եւ միջազգային հումանիտար կազմակերպությունների ներկայացուցիչներ, հաղորդել Է, ՌԻԱ Նովոստին:
