Ֆրանսիայի բնակիչների մոտավորապես մեկ քառորդը չափազանց շատ Է օգտագործում ալկոհոլ: Այդ մասին, վկայում են Ֆրանսիայի Առողջապահության ազգային գործակալության հետազոտության տվյալները:
Նոյեմբերի 9-ին հրապարակված տվյալների համաձայն, Ֆրանսիայում 18-75 տարեկան մարդկանց 23,7 տոկոսն անցյալ տարի գերազանցել Է նորման, որը 2017 թվականին այս գործակալության կողմից հաստատվել Է Քաղցկեղային հիվանդությունների ուսումնասիրման ազգային ինստիտուտի հետ միասին: 2017 թվականին ֆրանսիական այս երկու կազմակերպությունների փորձագետները որոշել են թույլատրելի նորման. հանձնարարականը ենթադրում Է շաբաթական 10 գավաթից ոչ ավելի գինու օգտագործում՝ օրական երկու գավաթից ոչ ավելի եւ շաբաթը մի քանի օր ձեռնպահ մնալ ալկոհոլից:
Նաեւ մասնագետները հաշվել են, թե ինչի Է համապատասխանում այդ տասը գավաթ գինին, եթե խոսելու լինենք այլ ոգելից խմիչքների մասին: Նշվում Է, որ տղամարդիկ ավելի հաճախ են չարաշահում ալկոհոլը, քան կանայք: Ընդ որում՝ այն անձանց գրեթե կեսը (47 տոկոս), որոնք չափազանց շատ են ոգելից խմիչքներ օգտագործում, բարձրագույն կրթության դիպլոմ չունեն: Ուսումնասիրությունն անցկացվել Է 2020 թվականի հունիս եւ հուլիս ամիսներին, հաղորդել Է «Ինտերֆաքս»-ը: