Ներկայումս իրականացվում է ուսումնասիրություն, ձկնորսների բարձրացրած հարցերը քննարկվում են շրջակա միջավայրի նախարարության հետ. առաջիկայում նախարարությունը նոր ծրագիր կներկայացնի: Այս մասին «Առաջին լրատվական»-ի հետ զրույցում նշեց Գեղարքունիքի մարզպետ Կարեն Սարգսյանը:
Անդրադառնալով Սևան խոշորացված համայնքում սպասվող ՏԻՄ ընտրություններին և նրան, որ Ծովագյուղի բնակիչները ընդդիմանում են խոշորացմանը և հնարավոր է բոյկոտեն ընտրությունները, Կարեն Սարգսյանն ասաց. «Սևանում ՔՊ-ն պաշտպանում է ներկայիս քաղաքապետին՝ Սարգիս Մուրադյանին: Նա իր դաշինքով է ներկայացել, նա բավականին հարգանք է վայելում, շատ աշծխատանքներ է իրականացրել: Ես վստահ եմ, որ մենք մարզում բարձր արդյունքներ կունենանք»:
Ինչ վերաբերում է հնարավոր սահմանազատման ու սահմանագծման աշխատանքներին, որոնք անկասկած կվերաբերեն նաև Գեղարքունիքի մարզին, Կարեն Սարգսյանն ասաց. «Եթե 1920 թվականի քարտեզներով սկսեն սահմանազատման ու սահմանագծման աշխատանքներ իրականացնել, միանշանակ մեր մարզն այսօր ունեցած իր տարածքներից ավելի մեծ տարածքներ կունենա: Մենք որևէ հատված չունենք զիջելու»:
