Քաղաքագետ Էդվարդ Անտինյանը կարծում է, որ նախօրեին կայացած ՏԻՄ ընտրությունների արդյունքներից որ ուժը առաջինը դաս քաղեց, կհաջողի։ Նշում է՝ իշխանությունը պարտվեց մի քանի համայնքում, քանի որ կարծում էր՝ ում էլ դներ թեկնածու, մարդիկ ընտրելու էին, բայց մարդիկ հակառակը ապացուցեցին, ինչը լավ դաս է ՔՊ-ի համար։ Ըստ քաղաքագետի՝ ընդդիմությունը մտածելու լուրջ առիթ ունի, ոչ թե ուրախանալու, քանի որ Առուշ Առուշանյանի հաղթանակը Գորիսում մեկ բանի մասին է խոսում․ Առուշանյանը հանրությանը ներկայացավ առանց Քոչարյանի և հաղթեց․ «Առուշանյանը իրեն անջատեց Քոչարյանից, դրա համար էլ ընտրեցին․ ով ավելի շուտ դասեր քաղի, կհաջողի»։