«Եվրոպական հեռանկարներ «Արևելյան գործընկերություն» ծրագրի շրջանակներում և Հայաստան-Եվրոպական միություն Ասոցացման համաձայնագրի շուրջ բանակցությունների գործընթացում» համաժողովի մասնակից, Ստամբուլի «Կադիրհաս» համալսարանի ռեկտոր, Թուրքիայի Միջազգային հարաբերությունների խորհրդի նախագահ Մուսթաֆա Այդին, պատասխանելով հայ-թուրքական հարաբերութունների կարգավորման վերաբերյալ հարցին, նկատեց, որ Թուրքիան այս տարի գնում է ընտրությունների, և դժվար թե մինչ այդ որևէ զարգացում տեղի ունենա այդ գործընթացում. «Ընտրություններից հետո էլ դժվար թե հայ-թուրքական հարաբերություններում առաջընթաց գրանցվի: Անկասկած է, որ այս գործընթացը անմիջականորեն կախված է Ղարաբաղյան հիմնախնդրի լուծման հետ»:
Մուսթաֆա Այդինի խոսքերով, հայ-թուրքական հարաբերությունների կարգավորման գործընթացի վերսկսումը կախված է Հայաստանից, քանզի հենց Հայաստանից է կախված նաև ղարաբաղյան հիմնախնդրի լուծումը:
