Միացյալ Նահանգներն Աֆղանստանում աղբյուրներ ունի արմատական «Թալիբան» շարժման գործունեության վերաբերյալ տեղեկատվություն ստանալու համար, չնայած այն բանին, որ այս շաբաթ ամերիկյան բոլոր զինվորականներն ու դիվանագետները լքել են երկիրը: Այս մասին հինգշաբթի ճեպազրույցի ժամանակ հայտարարել է Պետդեպարտամենտի մամուլի ծառայության ղեկավար Նեդ Փրայսը:
«Մենք ունենք տեղեկատվության աղբյուրներ, որոնք չենք հրապարակայնացնում, ունենք նաև աղբյուրներ, որոնք հասանելի են բոլորին և կարող ենք վերահսկել սոցիալական ցանցերը»,- ասել է նա՝ պատասխանելով այն հարցին, թե ինչպես են ամերիկյան իշխանությունները պատրաստվում վերահսկել երկրում իշխանությունը վերահսկող թալիբների տված խոստումների կատարումը:
Նա նաև նշել է, որ իրենք կօգտագործեն մեզ հասանելի տեղեկատվության յուրաքանչյուր աղբյուր՝ որոշելու, թե ինչպես են թալիբները հավատարիմ իրենց ստանձնած պարտավորություններին:
