Մարտի 1-ը դեռ բացահայտված չէ նաև Ռոբերտ Քոչարյանի փաստաբանական խմբի ջանքերով, որովհետև գործի այդ հատորները մնացին մեր ժողովրդից անհասանելի։ Խորհրդարանում այս մասին ասաց «ՔՊ» խմբակցության պատգամավոր Անդրանիկ Քոչարյանը։
«Գնացին ՍԴ-ում իրենց սիրելի Հրայր Թովմասյանի և մյուսների աջակցությամբ կարողացան 300.1-ը հանել, կարծես սահմանադրական այդ փոփոխությունը Դավիթ Հարությունյանի և Հրայր Թովմասյանի կողմից չէր արվել։ Միևնույն է, մարտի 1-ի գործընթացներին մենք նորից անդրադառնալու ենք գուցե այլ դրվագներով»,-ասաց Անդրանիկ Քոչարյանը։
