Կանադայի Բրիտանական Կոլումբիա շրջանի Ֆրեյզեր գետում 158 կգ-անոց թառափը ձկնորսների աչքի առջև դուրս է թռել ջրից:
Տեսանյութը Instagram-ում հրապարակել է ձկնորսական ընկերություններից մեկի աշխատակից Իվ Բիսսոնը: Կադրերում երևում է, որ ձկնորսական ցանցն ընկած ձուկը դուրս է թռչում ջրից, երբ ձկնորսը փորձում է դուրս քաշել նրան: Լսվում է նաև, թե ինչպես նավակի ուղևորներից մեկը խորհուրդ է տալիս ուժեղ քաշել ճոպանը: Հանկարծ հսկան թռչում է ցանցից: Ականատեսները զարմանքից ճչում են: Բիսսոնը պարզաբանել է, որ ձուկն առնվազն 50 տարեկան է և կշռում է մոտ 158 կգ: Բիսսոնը նաև նշել է, որ դա իր կյանքում բռնած ամենամեծ ձուկն է: Խիզախ ու ազատատենչ կենդանուն ձկնորսները բաց են թողել: Տեսանյութը դիտել է ավելի քան 4.7 մլն օգտատեր: