Առաջիկա շաբաթում նախատեսում եմ հանդիպումներ ԲԴԽ-ի, Դատախազության, ՔԿ-ի, ԱԱԾ-ի հետ։ Այս մասին լրագրողների հետ զրույցի ժամանակ ասաց ՀՀ արդարադատության նախարար Կարեն Անդրեասյանը։
Նա նշեց, որ այս բոլոր մարմինների հետ է հնարավոր իրականացնել դատաիրավական բարեփոխումները, որոնց մեր հասարակությունը սպասում է։
«Նախատեսում եմ իմ բոլոր որոշումներն անցկացնել մեր հասարակական կազմակերպությունների, գործընկերների հետ ինտենսիվ քննարկումների և կոնսեսուսի միջոցով։ Այն, որ կոռումպացված, կաշառակեր, անարդար դատավորները և համակարգի այլ մարդիկ պետք է զտվեն ու դուրս մղվեն համակարգից, ինձ համար միանշանակ է»,-ասաց Կարեն Անդրեասյանը։
Դիտարկմանը, որ ՀՀ վարչապետ Նիկոլ Փաշինյանը 2019թ.-ին վեթինգ խոսք տվեց, բայց չարեց, նախարարը նկատեց՝ վարչապետի բոլոր խոստումներն իրականացվում են։
