Ֆուտբոլի Չեմպիոնների լիգայի խաղարկության որակավորման առաջին փուլի պատասխան խաղում վաղը Հայաստանի չեմպիոն «Ալաշկերտը» Վազգեն Սարգսյանի անվան «Հանրապետական» մարզադաշտում կմրցի Ուելսի չեմպիոն՝ «Կոնաս Կի Նոմադսի» հետ։ Հիշեցնենք, որ հուլիսի 6-ին տեղի ունեցած առաջին հանդիպումն ավարտվել էր ոչ-ոքի՝ 2։2 հաշվով։ Մեր չեմպիոն խաղավարտին մոտ դարպասապահ Օգնեյն Չենչարևիչի կոպիտ սխալի հետևանքով ձեռքից բաց էր թողել հաղթանակը։ Չանչարևիչի սխալի պատճառով գրանցվել էր նաև առաջին գոլը։ Այս արդյունքն ինչ-խոսք բավարար համարել չի կարելի։ Վաղվա խաղում Հայաստանի չեմպիոնն ուղղակի պարտավոր է հաղթել։ Ուժերի անհավասարությունն ավելի վառ պատկերացնելու նպատակով փորձենք հասկանալ թե ինչ է իրենից ներկայացնում Ուելսի թիմը։ «Կոնաս Կի Նոմադսն» ըստ էության կիսսիորղական մակարդակի թիմ է, որտեղ տոն են տալիս վետարանները։ Թիմում հիմնականում անգլիացի ֆուտբոլիստներն են: Մասնավորապես, հայտացուցակում տեղ են գտել միանգամից 13 անգլիացներ։
Ուելսը ներկայացնող ֆուտբոլիստների թիվը միայն 6-ն է։ Մեկական ֆուտբոլիստ կա Գանայից և Ավստրալիայից։ Ամեն դեպքում այս կազմը փորձառու կարելի է համարել։ Առանձնանում են թիմի ավագ, 39-ամյա պաշտպան Ջորջ Հորանը, 38-ամյա կիսապաշտպաններ Նեյլ Դանսն ու Դանիել Հարիսոնը, 37-ամյա հարձակվող Մայքլ Ուայլդը, որոնք առայսօր կարևոր դերակատարներ են թիմում: Դանսը հասցրել է խաղալ «Քրիստալ Փելասում», «Լեսթերում» և «Բոլթոնում», Գայանայի ազգային հավաքականում մասնակցել է 17 հանդիպման ու խփել 9 գոլ: «Ալաշկերտի» դեմ մրցավեճում հենց Հորանն է փրկել իր թիմի պարտութունից խփելով երկրորդ գնդակը։ Առաջին գնդակը խփել է 31-ամյա հարձկավող Քրեյգ Կուրանը։ Ուելսի չեմպիոնը 6-րդ անգամ է ելութ ունենում եվրագավաթներում։ Անցյալ տարի Չեմպիոնների լիգայի որակավորման 1-ին փուլում «Ալաշկերտի» մրցակիցը պարտվել էր բոսնիական «Սարաևոյին»։ Եվրոպա լիգայի որակավորման 2-րդ փուլում էլ զիջել էր Թբիլիսիի «Դինամոյին»:«Կոնաս Կի Նոմադսը» դրան նախորդած 4 մրցաշրջաններում մասնակցել էր Եվրոպա լիգային ու 2 անգամ նվաճել որակավորման 2-րդ փուլի ուղեգիր՝ առաջին դեպքում հաղթահարելով նորվեգական «Ստաբեկի», երկրորդում՝ շոտլանդական «Կիլմարնոկի» արգելքը, երկրորդ փուլերում պարտություններ է կրել համապատասխանաբար սերբական «Վոյվոդինայից» ու «Պարտիզանից»: 2017 և 2018 թվականներին ԵԼ-ի որակավորման 1-ին փուլում պարտություններ է գրանցել ֆինլանդական ՀԻԿ-ի և բելառուսական «Շախտյոր Սոլիգորսկի» հետ դիմակայություններում: «Այս մակարդակում մրցակիցների կարգը բարձր է: Հիշում եմ 2018 թվականին «Շախտյոր Սոլիգորսկի» դեմ Եվրոպա լիգայի հանդիպումները, երբ նրանց կազմում տարբեր հավաքականների 16 խաղացողներ կային:
Ինչ վերաբերում է «Ալաշկերտին», ապա երկար ճանապարհ ենք անցնելու, բայց անհամբերությամբ ենք սպասում այդ դիմակայությանը: Այնտեղ հիմնականում հայ ֆուտբոլիստներ են հանդես գալիս, կան բրազիլացի ու սերբ խաղացողներ, ունեն հավաքականների անդամներ: Բարդ խաղեր են լինելու։ Կարելի է ասել՝ ճանապարհորդելու ենք աշխարհի մյուս մաս: Սա մեզ համար քննություն կլինի, թե ինչպես կարող ենք որպես չեմպիոններ ներկայացնել Ուելսն այս մրցաշարում»,- վիճակահանությունից հետո ասել էր «Կոնաս Կի Նոմադսի» գլխավոր մարզիչ Էնդի Մորիսոնը։ Ըստ Տրանսֆերմարկետ պարբերականի Ուելսի չեմպիոնի կազում ընդգրկված ֆուտբոլիստների ընդհանուր տրանսֆերային արժեքը կազմում է ընդամենը 1.5 միլիոն եվրո։ Այս թիմի ամենաթանակ ֆուտբոլիստը Մայքլ Ուայլդն է, որի տրանսֆերային արժեքը 125 հազար եվրո է։ Նախորդ առաջնությունում Ուայլդը 18 գոլով ճանաչվել է երկրորդ լավագույն ռմբարկու: Թիմի 6 ֆուտբոլիստներ էլ հայտնվել են առաջնության խորհրդանշական հավաքականում։ «Ալաշկերտի» ֆուտբոլիստների տրանսֆերային ընդհանուր արժեքը 5․1 միլիոն եվրո է։ «Ալաշկերտում» խաղում նաև նաև 3-4 ֆուտբոլիստներ, որոնք ելույթ են ունենում Հայաստանի ազգային հավաքականում։ Այսինքն որակապես հայկական թիմը մի քանի անգամ գերազանցում է մրցակցին։
Ըստ Տրանսֆերմարկետի «Ալաշկերտն» է միացել նաև «Կրասնոդարի» 23-ամյա կիսապաշտպան Լևոն Բայրամյանը։ Վերջինս Հայաստանի ազգային հավաքականի և «Ռոստովի» առաջատար խաղացողներից Խորեն Բայրամյանի կրստեր եղբայրն է։ Ընդհանուր առմամբ «Ալաշկերտը» թե կազմով և եվրագավաթներին մասնակցելու փորձով, և թե որակապես մի գլուխ բարձր է մրցակցից։ Լիահույս ենք, որ վաղը Հայաստանի չեմպիոնը առանց խնդիրների կնվաճի որակավորման երկրորդ փուլի ուղեգիր։ Հանդիպումը կսկսվի Երևանի ժամանակով 19:00-ին։