ԱՄՆ կրեդիտային վարկանիշի անկումը հանգեցրել է նախագահ Բարաք Օբամայի վարկանիշի անկմանը:
Համաձայն վերջին տվյալների՝ Reuters-ի կողմից անցկացրած սոցիոլոգիական հարցումների արդյունքում ամերիկացիների 73%-ը գտնում է, որ երկիրը Օբամայի գլխավորությամբ գնում է սխալ ճանապարհով:
Նախագահի անձնական վարկանիշի անկումը ի չիք է դարձրել Օսամա Բեն Լադենի ոչնչացման արդյունքում Օբամայի վարկանիշի դրական փոփոխությունները:
Հարցումը անց է կացվել նախորդ շաբաթվա վերջին և այս շաբաթվա առաջին օրերին:
Հարցմանը մասնակցած ավելի քան հազար ամերիկացիների միայն 45%-ն է դրական համարել նախագահի գործունեությունը, մինչդեռ մեկ ամիս առաջ այդ ցուցանիշը կազմում էր 49%:
