ԱՄՆ-ում ոստիկանի կողմից Ջորջ Ֆլոյդի սպանության մեկ տարվա տարելիցին երկրի տարբեր քաղաքներում ցույցեր են կազմակերպվել, հաղորդում է Reuters լրատվական գործակալությունը։
Պորտլենդում ցուցարարների և ոստիկանների միջև բախումներ են տեղի ունեցել։ Ակցիայի մասնակիցները կոտրել են ապակիներ, աղբամաններ այրել։ Պորտլենդի ոստիկանությունն անկարգությունները որակել է որպես խռովություն և մի քանի ձերբալություններ կատարել։
46-ամյա աֆրոամերիկացի Ջորջ Ֆլոյդը մահացել էր այն բանից հետո, երբ ոստիկանը 9 րոպե ծնկով սեղմել էր նրա պարանոցը։ Նա դարձել է ոստիկանության դաժանությունները և կողմնակալությունը դատապարտող ազգային շարժման դեմքը։
