Համացանցում առնվազն երկու քարտեզ է տեղադրվել, որոնց վրա նշվել են անկարգությունների օջախները: Մեկը ստեղծել և թարմացնում էր լրագրող Ջեյմս Քրիդլանդը, մյուսը հրապարակվել է The Guardian թերթի կայքում:
Օգոստոսի 9-ի առավոտյան Քրիդլանդը հայտարարել էր, որ ի վիճակի չէ անընդհատ թարմացնել իր քարտեզը և հղում էր տեղադրել մյուսի վրա: Պարզվեց, որ մանրամասն և իրական տեղեկություններ ստանալն այնքան էլ դյուրին չէ: Օրինակ՝ Դերբիում ծագած անկարգությունների մասին լուրերը կեղծ էին դուրս եկել:
Հիշեցնենք, որ օգոստոսի 6-ին Լոնդոնի Տոտենհեմ թաղամասում ծագած անկարգությունները տարածվեցին նաև այլ քաղաքներում: Այս պահին 550 ցուցարար ձերբակալված է, կա մեկ զոհ: Բրիտանիայի վարչապետը հրավիրել է Համայնքների պալատի արտահերթ նիստ:
