Ադրբեջանական պրոպագանդիստական մեքենան հրապարակում է 2 ժամ տեւած տեսանյութից 3-5 րոպեանոց մի հատված, եւ այդ նույն մարդիկ վերցնում ու հրապարակում են իրենց էջերում՝ ընդ որում թաքցնելով, որ սկզբնաղբյուրը ադրբեջանական են: Այս մասին, այսօր՝ մայիսի 20-ին, կառավարության նիստի սկզբում հայտարարեց վարչապետի պաշտոնակատար Նիկոլ Փաշինյանը:
«Պատկերացնում եք՝ 2 ժամ գործողություն է տեղի ունեցել, եւ դրանից 3 րոպեանոց տեսանյութ հրապարակել… սա այլ կերպ, քան թիկունքում իրականացվող քայքայիչ գործունեությունը, ես չեմ կարող որակել: Եթե մենք այստեղ 21-րդ դարի բերումով իրավական մեխանիզմներ չունենք, հանրությունը սրան պետք է արձագանքի, որովհետեւ սա անհարգալից է ՀՀ հանրության նկատմամբ: Հակամարտությունները, հակադրությունները, եթե ոմանք պատկերացնում են որպես կռիվ կինոյի սցենարով իրականացվող հերոսապատումներ, այդպես չի լինում երբեք, նույնիսկ ամենահաղթական պատերազմներում»,-ասաց նա:
