Վերլուծաբան Թաթուլ Հակոբյանը գրում է.
Տիգրան ջան, քո թույլտվությամբ կիսել եմ գրառումդ և նկարը:
Ես էի ուզում գրել, դու ես արդեն գրել:
Կա մի քանի շերտ՝ ի հավելումն, ի լրումն քո գրածի:
Առաջին. Հայաստանի այս աղետալի իշխանությունները, լինելով անտանելի պոպուլիստ, չեն կարողանում մարդավարի ներկայացնել իրավիճակը:
Երկրորդ. ակնհայտ է, որ երբ Սյունքի միջին պաշտոնյաները խոսում են այն մասին, որ ադրբեջանցիները հասել են Վերիշենից 3 կմ հեռու, դա նշանակում է, որ չափազանցնում են: Սահմաններին և աշխարհագրությանը ծանոթ մարդիկ հասկանում են, որ դա ճիշտ չէ և հավելյալ տագնապ է առաջացնում առանց այն էլ ճնշված ժողովրդի մոտ: Բայց դա ներքաղաքական հարց է դարձել:
Երրորդ. ակնհայտ է, որ Իշխանասար գյուղը կապ չունի Սև լճի հետ, դա ավելի մոտ է Սիսիանին և գտնվում է սարի մյուս կողմը: Իշխանասար գյուղից մինչև Սև լիճ մի 30 կիլոմետր կլինի երևի:
Եվ վերջում. ես այսօր չուզեցա բան գրել այս աղմուկի մեջ, բայց վաղը առավոտյան հյուրընկալվելում եմ Ազատություն TV-ում և մանրամասն կներկայացնեմ իրավիճակը, որքանով տիրապետում եմ:
Եվ ամենավերջում. քանի դեռ այս իշխանություններն են, մեր ապագան միշտ այսպես է լինելու՝ ադրբեջացիները ինչ ուզեն անելու են: Տխուր է, շատ տխուր
Tigran Varag
Քանի որ լրատվական դաշտում կրկին քարոզչական քաոս է որոշեցի անդրադառնամ Սև լճի շուրջ ստեղծված իրավիճակին։ Լուսանկարում տեսնում եք Սև և Սագի լճերը։
Սև լիճը գտնվում է Մեծ Իշխանասար լեռան հյուսիսարևելյան լանջին՝ ծովի մակերևույթից 2661 մետր բարձրության վրա։
Այն ըստ մեծության բնական լճերից երկրորդն է ՀՀ-ում՝ Սևանա լճից հետո։
Հայաստան – Ադրբեջան պետական սահմանն անցնում է լճի վրայով։ Լճի մոտ 70-80 տոկոսը գտնվում է Հայաստանի տարածքում և համապատասխանաբար մոտ 20-30 տոկոսը գտնվում է Ադրբեջանի տարածքում։
Կարմիր գծով բաժանել եմ, որպեսզի հասկանալի լինի ինչ տարածքի մասին է խոսքը։
Հիմա եթե ադրբեջանցիները եկել ու դիրքավորվել են լճի հյուսիսային ափերին (այսինքն այն ափերին, որոնք նկարի ձախ կողմում են), ուրեմն ընդամենը զբաղեցրել են իրենց դիրքերը այնպես ինչպես ողջ ՀՀ-Ադրբեջան պետական սահմանի երկայնքով։
Եթե նշված տարածքից ավելի առաջացել են, ուրեմն գոյություն ունի սահմանի խախտում։
Ես ընդամենը ներկայացրել եմ փաստերը։ Ինչ իրավիճակ է լճի մոտ ասել չեմ կարող, բայց տրամաբանությունը հուշում է, որ սա հերթական մանիպուլյիացիան էր այն լրատվամիջոցների կողմից, ովքեր ողջ հետպատերազմյան շրջանը խաղում են Հայաստանի ահաբեկված քաղաքացիների հույզերի ու վախերի հետ։
Լուսանկարն արվել է մեր 2020 թվականի արշավի ընթացքում։
