Վրաստանի վարչապետ Իրակլի Ղարիբաշվիլին պաշտոնական այցով գտնվել է Բաքվում, հանդիպել Ադրբեջանի նախագահ Իլհամ Ալիևի հետ: Ադրբեջանը կարևոր ներդրողներից մեկն է Վրաստանում, ինչպես նաև գազի մատակարարողը, բայց երկրները ունեն նաև կնճտռոտ հարցեր, օրինակ Դավիթ Գարեջիի տարածքի սահմանագծումը: Թեմայի շուրջ «Առաջին Լրատվական»-ը զրուցել է վրացագետ Ջոնիի Մելիքյանի հետ:
Մեր զրուցակիցը ևս փաստեց, որ երկու երկների միջև ռազմավարական համագործակցությունից զատ, կան նաև խնդիրներ, որոնք առաջին հերթին վերաբերում են սահմանազատման գործընթացին, խոսքը մի քանի տաճարների ապագայի մասին է: «Ադրբեջանական մամուլում թեման այդքան ակտիվ չի լուսաբանվել, վրացական մամուլը ևս չէի ասի, որ ակտիվ լուսաբանել է: Հետաքրքիր է, որ վրացական մամուլի ներկայացուցիչները, որոնք գտնվում էին Բաքվում և վարչապետից հետաքրքվել են օրակարգային հարցերից, պատասխան չեն ստացել: Ինչ վերաբերվում է վրաց-ադրբեջանական հարաբերություններին, կիրառվել են ավանդական բառեր»:
Մելիքյանի խոսքով՝ կարևոր է ֆիքսել, որ ապագայում ստանալով այլընտրանքային ուղիներ, Վրաստանի դերը Ադրբեջանի համար նվազելու է, ինչի հետևանքով էլ ավելանալու են խնդիրները, փոխվելու է նաև հռետորաբանությունը: «Թբիլիսիում պետք է պատրաստ լինեն դրան և հասկանան՝ ինչպես են ձևավորելու հարաբերությունները Բաքվի հետ»:
Առավել մանրամասն՝ տեսանյութում: