Թուրքիայի արտգործնախարար Մևլութ Չավուշօղլուն Եվրահանձնաժողովի ղեկավար Ուրսուլա ֆոն դեր Լայենի հետ կատարվածը, որն Անկարայում մնացել էր առանց աթոռի, բացատրել է Եվրոպական խորհրդի և Եվրահանձնաժողովի մրցակցությամբ:
Ֆոն դեր Լայենը նախապես ասել էր Եվրախորհրդարանականներին, որ Եվրախորհրդի ղեկավարի հետ Թուրքիա կատարած համատեղ այցի ընթացքում իրեն զրկել են աթոռից, քանի որ նա կին է:
«Արարաողակարգի շուրջ նման վեճերը մեզ շատ են վրդովեցրել: Ֆոն դեր Լայենը սխալ է, երբ միջադեպը կապում է իր՝ կին լինելու հետ: Մեզ մոտ կնոջ դերը շատ բարձր է, և մենք առանձնահատուկ հարգանքով ենք վերաբերվում Եվրահանձնաժողովի ղեկավարին: Բայց եթե նրանք ունեն իրենց արարողակարգի հետ կապված խնդիրներ, ապա թող դա ստվեր չթողնի Թուրքիայի վրա: Պատճառը ԵՄ-ում մրցակցությունն է Եվրախորհրդի և Եվրահանձնաժողովի միջև», – ասել է Չավուշօղլուն Գերմանիայի արտգործնախարար Հայկո Մաասի հետ Բեռլինում կայացած համատեղ ասուլիսին:
Ինչպես հայտնել ենք՝ Ուրսուլա ֆոն դեր Լայենին աթոռ չեն տրվել Էրդողանի հետ բանակցությունների ընթացքում։
Միջադեպից հետո Եվրախորհրդարանի պատգամավորները վրդովմունք էին հայտնել Անկարայում տեղի ունեցածի կապակցությամբ։
Թուրքիայի արտգործնախարար Մևլութ Չավուշօղլուն անարդար էր համարել իր երկրի հասցեին մեղադրանքները նախագահ Թայիփ Էրդողանի՝ Եվրահանձնաժողովի ղեկավար Ուրսուլա ֆոն դեր Լայենի հետ հանդիպմանը տեղի ունեցած միջադեպի վերաբերյալ՝ նշելով, որ հանդիպման արարողակարգը համաձայնեցվել է Բրյուսելի հետ:
