Իլոն Մասկի մարսյան Starship տիեզերանավի նախատիպը փորձարկումից հետո բարեհաջող վայրէջք է կատարել Տեխասում: Թռիչքը հեռարձակվել է Space X-ի յութուբյան ալիքով:
Այս տարվա սկզբին տիեզերանավի նախատիպերի երեք փորձարկումներն ավարտվել էին անհաջող: Նախատիպերը կամ վթարի էին ենթարկվում վայրէջքի ժամանակ, կամ պայթում էին։
2019-ի սեպտեմբերին Իլոն Մասկը ներկայացրել էր Starship բազմակի օգտագործման տիեզերանավի նախատիպը: Դրա երկարությունը, որն ունակ է բեռներ և տիեզերագնացներ տեղափոխել Մարս և Լուսին, 50 մետր է, իսկ զանգվածը ՝ առանց վառելիքի և բեռների, կազմում է մոտ 120 տոննա:
Շնորհանդեսի ժամանակ Մասկը հայտարարել էր, որ Starship- ը, որն ունակ է տեղափոխել մինչև 100 մարդ, կարող է ուղի հարթել Մարսի և Լուսնի գաղութացման համար:
