Monday, 14 06 2021
18:15
Կոկա-Կոլա` 25 տարի Հայաստանում
Կայացել է Հայաստանի խաղողագործության և գինեգործության հիմնադրամի հոգաբարձուների խորհրդի նիստը
Ծառուկյանը դուխով ասում է՝ վարկերը ներենք․ թող սեփական օրինակով ցույց տա․ Փաշինյանը՝ Ոսկետափում
Երևանի տրանսպորտային բոլոր թունելների լուսավորությունն արդիականացվել է
Ադրբեջանը պատերազմը սկսել է՝ վախենալով Հայաստանի հետագա հզորացումից. Փաշինյանը խոսեց պատերազմի պատճառի մասին
Բաբաջանյան-Շիրինյան ժողովրդավարների դաշինքի անդամները բուկլետներ բաժանեցին Արաբկիր համայնքում
17:26
ՆԱՏՕ-ն կդադարի Ռուսաստանը համարել «կառուցողական գործընկեր»
Հունիսի 20-ից թավիշի ժամանակները անցնելու են․ Փաշինյանը՝ Ավշար համայնքում
Քոչարյանը խոստանում է անել ամեն ինչ ատոմակայանի կյանքը երկարացնելու համար
ՀԷՑ-ի ու «Գազպրոմ Արմենիա»-ի աշխատողներին ստիպում են քվեարկել Քոչարյանի օգտին՝ սպառնալով հակառակ պարագայում ազատել աշխատանքից
Ալեքսանդր Սպենդիարյանի հոբելյանը բազմաբովանդակ միջոցառումներով կնշվի Հայաստանում և արտերկրում
Նիկոլ Փաշինյանը Արարատում խոսեց Հոկտեմբերի 27-ի գործից
16:40
Ուժի մեջ են մտել ռուսական սուվերեն պարտքի նկատմամբ ԱՄՆ պատժամիջոցները
ՏԻՄ ներկայացուցիչներն այցելել են դիրքեր
ՀՀ Սյունիքի մարզում մի շարք բնակավայրերի միջև ճանապարհներին առկա են ադրբեջանական զինված ծառայողներ․ ՄԻՊ-ն ահազանգեր է ստանում
Վեդիի հանրահավաքն ավարտում ենք երթով. Փաշինյան
16:10
ՆԱՏՕ-ի երկու նավ մտել է Սև ծով
Քոչարյանը իշխանություն է ուզում, որպեսզի հաստատի դիկտատուրա
Նորածնի առուվաճառքի փորձի գործով մեղադրանք է առաջադրվել 5 անձի
Կարեն Կարապետյանը Սերժ Սարգսյանին դասեց անկարողների շարքը
Մանկապարտեզների համար սահմանված հիգիենիկ նորմերը
Վեդիում քաղաքական կամքը շատ հզոր է․ Նիկոլ Փաշինյան
Արմավիրի նախկին քաղաքապետի կալանավորումը քաղաքական ճնշում է «Պատիվ ունեմ» դաշինքի նկատմամբ․ Արսեն Բաբայան
Թբիլիսին շահագրգռված է, որ տարածաշրջանում լինի խաղաղություն, բայց գերիները հարցը շատ ճիշտ օգտագործեց՝ նաև ներքին սպառման համար
«Արարատ-Արմենիան» նոր գլխավոր մարզիչ ունի
Քոչարյանը նախընտրական ծրագիրը ներկայացրել է էջմիածինցիներին
15:10
Հունիսի 14-ին արյան դոնորի միջազգային օրն է
Գտնվելու եմ չվճարվող արձակուրդում՝ անձնական պատճառներով. Մանե Թանդիլյան
Բաբաջանյան-Շիրինյան ժողովրդավարների դաշինքը բուկլետներ բաժանեց Գորիսում
14:50
Pink Floyd-ի հիմնադիրը «գրողի ծոցն» է ուղարկել Ցուկերբերգին

Քաղաքականությունից հեռու եմ, զզվել եմ էս հասարակությունից․ Վարդան Ղուկասյանն ընտրություններին կաջակցի Քոչարյանին

«Առաջին լրատվական»-ի զրուցակիցն է ԱԺ ԲՀԿ խմբակցության պատգամավոր, Գյումրիի նախկին քաղաքապետ Վարդան Ղուկասյանը։

-Պարոն Ղուկասյան, մամուլը գրում է, որ այս ընտրություններին էլ Քոչարյանին եք սատարելու։ Ճի՞շտ է։

-Ես վաղուց եմ ասել, որ եթե Քոչարյանը դրեց իր թեկնածությունը, ապա ես նրան եմ պաշտպանելու։ Ես դեռ էն ժամանակվանից եմ դա ասել, երբ Քոչարյանը մեկուսարանում էր։ Ես Քոչարյանին ազատություն եմ մաղթել ու ասել եմ, որ նրան կսատարեմ, բայց միևնույն ժամանակ ես քաղաքականությունից հեռու եմ, ոչ մեկի հետ չեմ գնալու, պատգամավոր չեմ դառնալու։ Ես ինչ ձայնի հնարավորություն ունեմ՝ կպաշտպանեմ Քոչարյանին։

-Այսինքն Քոչարյանին սատարելու եք, բայց ցուցակում չե՞ք լինելու։

-Չէ, ես այլևս ոչ մի ուժի ցուցակում չեմ լինի։ Առաջարկներ եղել են, բայց ես այլևս քաղաքականությունից դուրս եմ։

-Դուք տարբեր ժամանակներում տարբեր քաղաքական թիմերում եք եղել։ Նախ ՀՀԿ-ի հետ էիք, հետո՝ ԲՀԿ-ի, հիմա Ռոբերտ Քոչարյանի։ Սկզբունքայնությա հետ խնդիրներ չե՞ն առաջանում։

-Ես երբեք կուսակցական չեմ եղել։

-Դուք ՀՀԿ-ական եք եղել, երբ Գյումրիի քաղաքապետ էիք։

-Այո, երբ քաղաքապետ էի, կուսակցությունները ինձ ուտում էին, զոռովից ինձ մտցրեցին Հանրապետական։ Բայց ոչ նշանն եմ կրել, ոչ խորհրդի նիստերին եմ մասնակցել, չնայած մարզի ղեկավարն եմ եղել, համագումարներին էլ չեմ մասնակցել, բայց դուք ուզում եք ինձ ֆռցնեք, զոռովից կուսակցական սարքեք, ինձ վարկաբեկեք։ Օրինակ Բարգավաճի մեջ էլ չեմ մտել, կուսակցական չեմ եղել։

-Բայց իրենց քվոտայով եք պատգամավոր դարձել։

-Հա բայց ես իմ ձայները ունեցել եմ։ Էնպես եք սարքել երկիրը, որ առանց կուսակցության ոչ մեկը ոչ քաղաքապետ կարա լինի, ոչ պատգամավոր։ Եթե մեկը ուզում է էս երկրի համար մի բան անի, պետք է կուսակցական լինի, մտնի մի կուսակցության մեջ, որ գնա Ազգային ժողով։ Ես հասկանում եմ ձեր միտքը, ուզում եք ասել՝ իբրև ես թռնող եմ, բայց ես թռնող չեմ, ես թռցնող եմ։ Էնպես չի, որ մեկին սատարում ես, նշանակումա էստեղից թռնում ես էնտեղ։ Երբ ՀՀԿ-ն լիդեր էր երկրում, ես միակ մարդն եմ եղել, որ դուրս եմ եկել ՀՀԿ-ից։ Տեսնում եք չէ իմ բնավորությունը։

-Այո, նաև երբ ՀՀԿ-ն իշխանության էր, դուք դարձաք ՀՀԿ-ական և նաև քաղաքապետ։ Դա էլ ենք հիշում։

-Ես Հանրապետականով չեմ քաղաքապետ դարձել։ Ես ինձանով եմ քաղաքապետ դարձել։ ՀՀԿ-ն միշտ ինձ դեմ է եղել։ Բոլոր ընտրություններին ՀՀԿ-ն միշտ իմ դեմ թեկնածու է դրել ու պարտվել է։ Եվ ոչ միայն ՀՀԿ-ն։ Հայաստանի բոլոր կուսակցությունները ինձ դեմ են եղել և միշտ պարտվել են։

-Հիմա Քոչարյանը ի՞նչ կարող է անել երկրի համար, որ իրեն եք սատարում։

-Այն, ինչ Հայաստանի համար կարող է անել Քոչարյանը, ոչ մեկ չի կարող անել։ Ինչ որ նա արել է իր աշխատած ժամանակահատվածում, որ նայում ես մնացած նախագահներին հասկանում ես, որ ոչ մեկ իր չափ գործ չի արել։

-Քոչարյանի պաշտոնավարման տարիները հիշվում են որպես արյունալի տասնամյակ։

-Դուք սուտ եք խոսում։ Ստատիստիկան նայեք։ Ոստիկանության տված ստատիստիկային նայեք ու կտեսնեք, որ Քոչարյանի պաշտոնավարման տարիներն ավելի հանգիստ են եղել, քան վերջին տարիներին։ Բացեք, համեմատեք ու կտեսնեք, որ այս 10 տարին ավելի հանգիստ ու խաղաղ է եղել։

-Քոչարյանի պաշտոնավարման տարիներին եղել են ամենաշատ քաղաքական սպանությունները, առեղծվածային մահերը, Պողոս Պողոսյանի սպանությունը Քոչարյանին ողջունելու համար։ Քոչարյանի օրոք եղել է Հոկտեմբերի 27 և Մարտի 1 ի վերջո։

-Քաղաքական սպանությունները չեք կարող ասել, որ հստակ ինչ որ մեկն է արել։ Դա պետք է ապացուցել։ Տարբեր մարդիկ տարբեր կերպ են մեկնաբանում։ Սորոսը հիմա ոնց թելադրում է, դա են անում լրատվականները։

-Պարոն Ղուկասյան, ես սպանությունների ու հանցագործությունների մի ամբողջ շարք թվարկեցի, Դուք ասում ես Սորոս։

-Ես էլ ասեցի, որ միանշանակ կարծիք չկա։ Հիմա Դուք ինչ ուզեք, ոնց ուզեք էդպես էլ կներկայացնեք։

-Քոչարյանը Գյումրիից ձայն կստանա՞։ Գյումրեցիները նախկիններին կարծես չեն սիրում։

-Քոչարյանը աղետի գոտին կառուցող մարդ է եղել, ո՞նց կարող է ձայն չստանալ։ Ինքը միշտ էլ Գյումրիում ձայներ ունեցել է։ Այդքան մարդ բնակարան է ստացել իր օրոք ի վերջո։

-Կառուցո՞ղ։

-Այո, Քոչարյանի ժամանակ ամբողջ քաղաքը կառուցվել է։ Տակը չնչին բան էր մնացել, բայց էս երեք տարվա մեջ մի բնակարան չի կառուցվել։ Դուք հիմա ուզում եք լույսը խավար ներկայացնել, խավարը՝ լույս։ Նապոլեոնն էր ասում՝ ես երեք լրագրողից ավելի շատ եմ վախենում, քան հարյուր հազար թշնամու բանակից։

-Դո՞ւք էլ եք Նապոլեոնի պես մտածում։

-Այո, դուք ուզեք՝ որձն էլ էգ կսարքեք։

-Իսկ Դուք ինչպե՞ս եք գյումրեցիներին համոզելու, որ Քոչարյանին ձայն տան։

-Ես այս քաղաքում ապրել եմ, ապրում եմ, ինձ հարգող մարդիկ կան։ Ես իմ խոսքը կասեմ ու մարդիկ կվստահեն ինձ ու ձայն կտան Քոչարյանին։

-Առանց ընտրակաշառքի կկարողանա՞ք մարդկանց համոզել, որ Քոչարյանին ընտրեն։

-Ես միշտ առանց ընտրակաշառքի եմ ընտրվել և առանց կեղծիքի։

-Այս աշնանը Գյումրիի քաղաքապետի ընտրություններին էլ չե՞ք մասնակցի։

-Ես զզված եմ։ Ընդհանրապես դուրս եմ գալիս խաղից։ Ես գիտեմ, դու ֆռռացնում ես, որ հարցնես քաղաքապետի ընտրությունների մասին։

-Ես արդեն հարցրել եմ, պարոն Ղուկասյան։

-Հաա, ինձ ընդամենը մի մարդ պիտի ասի՝ դու պետք ես էս երկրին ու պետք է գաս։ Միայն մի մարդ կարող է ինձ դա ասել։ Բայց ես զզված եմ էս հասարակությունից, ամեն ինչից, ես հեռու եմ։ Զանգ մի տվեք, բզեզի բունը մի քանդեք։

-Իսկ ով է այդ մի մարդը։

-Թույլ տվեք դա էլ չասեմ։ Ամեն ինչ չէ, որ պետք է իմանաք։

Լուսանկարը՝ Armeniasputnik-ի

Բաժիններ
Ուղիղ
Լրահոս
Որոնում